Des ist de Zeit, in der ma „Rückschau“ auf des vergangene Johr hoit. Wenn ma zruckschaut, falln uns gwiß a poor Veranstaltunga im abglaufna Trachtlerjohr ei: Gaufest mit 100-jährigem Gründungsfest in Kelheim, Jugendzeltlager in Manching, Gauwallfahrt in Eichstätt und natürlich aa de Neuwahl im Gauverband.
Darum möcht i heit de Gelegenheit nutzn und an alle, die in all de Johr für unsa Trachtensach garbart hobn, a recht herzliches „Vergelt’s Gott“ sogn. A herzlichs Vergelt’s Gott an de Buam und Deandln, de aus dem Gauausschuss ausgschiedn san, aba aa an alle, de sich zur Mitarbart im Gauverband zur Verfügung gstellt hobn. De Wünsch verbind i mit da Hoffnung, auf aa guade Zsammarbart mit‘m Gauausschuß, aba aa a guade Zsammarbart mit unsere Mitgliedsvereine und mit de Verantwortlichen im Boarischn Trachtnvaband.
Für des kommende Weihnachtsfest wünsch i allen Besuchern unserer Internetseitn und Trachtlerinnen und Trachtlern des Donaugaus aa poor friedvolle und bsinnliche Tog und für des Neue Jahr Ois Guade und vui Idealismus für unser Trachtnsach.
Beste Wünsch gelten unserem Gau-Ehrenvorstand Sepp Hardt und unsern Gau-Ehrenmitgliedern Wilfried Kriegl, Alfred Strobl, Edda Hutter und Gertrud Lindler.
Mit eischliaßn in de Grüß möcht i den gesamten Gauausschuß, sowia alle Trachtlerinnen und Trachtlern in unsera boarischn Hoamat!
Rudi Dietz, 1. Gauvorstand