17. April 2016 · Kommentare deaktiviert für Mia warn a dabei! · Kategorien: Donaugau, Schuhplatteln, Volkstanz

 

Ein ganzer Bus voller Trachtler hod se am Samstagnachmittag auf’m Weg nach Hinterskirchen zum 3. Gesamtbayerischen Tanzfest g’macht.
Den Abend bereichert’n unsere Gaugruppen mit da Kreuzpolka, de natürlich wia bei uns da Brauch, plattlt und tanzt worn is.

Aus 21 Gauverbänden aus ganz Bayern war’n de Gaugruppen anwesend, de denn Abend schneidig mitgestaltet hom. A Menge Möglichkeit’n hots gebm um as Tanzbein zum schwinga, wobei a da Zwiefacher ned z’kurz kemma is. Drei Musikgrupp’n hom do dazua aufg’spuit.

Wos ned z’kurz kemma is war, dass vui neie Freundschaft’n g’knüpft  und oide Freundschaft’n vertieft worn san. Alle warn sich einig, des war wieder richtig bärig und mia hom uns g’freit as 3. Mal dabei g’wen zum sei.
As Busunternehmen Schneider hot uns dann in altgewohnter Herzlichkeit in den frühen Morgenstunden wieder hoam bracht. Und beim Aussteig’n aus’m Bus hod jeder nu a Betthupferl vom Busfahrer kriagt.

So eitz nu ganz schnell schlaffa, in a poar Stund geht Gauversammlung o.

Kommentare geschlossen.